5 këngë festive që duhet t’i dëgjoni në fundvit

nga Argjenda Selmani

Sezoni festiv sjellë shumë tradita. Mes gjërave që nuk mungojnë kurrë janë edhe disa këngë festive. Këngë që na kujtojnë se krishtlindjet dhe ndërrimi i motmoteve janë afër!

Megjithatë, mes shumë këngësh janë disa këngë festive që  prej vitesh i kanë mbijetuar kohës. Edhe sot në Spotify ato listohen si këngët më të dëgjuara dhe më të kërkuara gjatë dhjetorit. Nëse ende nuk i keni dëgjuar sivjet, ne ua kujtojmë disa këngë festive që nuk duhet t’i harroni.

“All I want for Christmas Is You”

E bashkë-shkruar nga Mariah Carey dhe Walter Afanasieff dhe e incizuar nga Mariah Carey në 1994, kënga All I Want For Christmas Is You thyen rekorde çdo fundvit. Ajo njihet si kënga që sjellë magjinë dhe shpirtin e festave. Kësaj kënge i është realizuar edhe një videoklip i ri vitin e kaluar, në 25 vjetorin e publikimit. Videoklipi, në të cilin marrin pjesë shumë të famshëm, u mirëprit shumë nga publiku.

“Last Christmas”

Kënga u shkrua nga George Michael dhe u interpretua nga Michael dhe Andrew Ridgeley në 1984. Grupi dhuroi të gjitha honoraret e saj për të ndihmuar në zbutjen e urisë në Afrikë. Dihet se kjo nuk është kënga më e gëzueshme, pasi që flet për thyerjen e zemrës, me gjithatë ajo është shumë e kërkuar. Last Christmas është kënduar në mijra versione të ndryshme nga shumë muzikantë të botës.

“It’s Beginning to Look a Lot like Christmas”

Duket sikur sezoni i festave të fundvitit nuk nis pa këngën It’s Beginning to Look a Lot like Christmas nga Michael Bublé. Ashtu si e thotë edhe kënga “Ka filuar të duket si kohë Krishtlindjesh”, ajo jehon pikërisht në ditët e para festive. Kënga u publikua në vitin 2011, në kuadër të albumit të tij “Christmas”. Përpos kësaj kënge reportari i  Michael Bublé ka edhe dhjetëra këngë të tjera që i këndojnë festave.

“Christmas Lights”

Edhe grupi i famshëm Coldplay i ka kënduar periudhes së fundvitit. Në dhjetorin e vitit 2010 kënga Christmas Lights, dedikuar dritave të krishtlindjeve ishte vetëm e shkruar, mirëpo grupi punoi shpejt dhe arriti ta sillte dhe të merrte zemrat e publikut.
Në 10 vjetorin e publikimit të saj, kënga ende ka vëmendjen dhe pëlqimin e publikut. Gjatë kësaj dekade ajo ka arritur të bëhet një këngë emblematik festash. Edhe sot ajo klikohet në platformat e ndryshme muzikore dhe kërkohet dhe dëgjohet nëpër radiostacione kudo në botë.

“Santa Tell Me”

Kësaj liste nuk ka se si t’i mungojë edhe Ariana Grande. Kënga e saj Santa Tell Me u dëgjua për së pari herë, në vitin 2014. Për këto 6 vite pop-ylli Grande arriti të bëhej pjesë e pashmangshme e toplistave festive. Që atëherë tregimi i saj për babagjyshin e vitit të ri dëgjohet, por edhe këndohet në versione të ndryshme. Shpirti festiv i Ariana Grande, e cila është edhe bashkëautore e tesktit, portretizohet në këtë këngë.