Disa këshilla dashurie për çiftet e reja

nga Argjenda Selmani

A jeni në një lidhje dashurie dhe dëshironi të mësoni si ta forconi atë? Lexoni këto këshilla dashurie! Për çiftet e reja ka shumë rëndësi që të ndërtojnë një lidhje të shëndosh. Një lidhje që e bën jetën tuaj dhe të partnerit edhe më të mirë. Askujt nuk i duhet një marrëdhënie romantike që e komplikon stabilitetin e krijuar ndoshta me vite.

Nëse jeni në një marrëdhënie të re dhe  ndieni se keni nevojë për këshilla, atëherë lexoni këtë artikull deri në fund! Mësoni se si është e mundur që çiftet e reja të ndërtojë një lidhje të qëndrueshme! Gjëja e parë tek e cila duhet të fokusoheni është mirëkuptimi dhe bashkëpunimi. Pas kësaj keni edhe disa këshilla të tjera që mund t’i lexoni më poshtë!

Këshilla dashurie me rëndësi

Mbroni lidhjen tuaj me anë të komunikimit

keshilla dashurieKy është prioriteti i parë për çiftet e reja! Mbani mend se komunikimi është njëra ndër amët më kryesore kur vjen puna për të shpëtuar dashurinë.

Në mënyrë që të keni një lidhje të shëndetshme duhet të keni edhe një komunikim të shëndetshëm.  Kjo sepse komunikimi i duhur ju eviton shumë konflikte. Kur flisni rregullisht, keni mundësi të shprehni vetën dhe të dëgjoni tjetrin. Prandaj mos prisni që partneri juaj t’ju kuptoj pa folur! Pa marrë parasysh sa njiheni, apo sa keni aftësi t’i lexoni mendjen njëri-tjetrit. Ju duhet të flisni për gjërat që nuk po shkojnë mirë, mirëpo edhe për ato që ju pëlqejnë.

Çiftet duhet të tregojnë respekt ndaj njëri–tjetrit

Të tregoni respekt ndaj njëri–tjetrit është një tjetër këshillë e domosdoshme. Mbani mend se nëse partneri juaj tregon respekt ndaj jush edhe ju duhet ta bëni të njëjtën gjë ndaj tij.  Mos lejoni që qysh në fillim të lidhjes njëri të dominojë dhe të urdhërojë tjetrin. Respektoni personalitetin dhe nevojat e partnerit dhe prisni të njëjtën gjë në këmbim. Ta dini se vetëm dashuria nuk mjafton. Po mungoi respekti, lidhja nuk do të jetë e shëndosh. Prandaj bëjeni respektin një nga shtyllat e lidhjes tuaj, bashkë me dashurinë!

Këshilla dashurie për lumturi

Ndani kohë të veçantë për njëri–tjetrin

keshilla dashurie

Kaloni kohë vetëm larg miqve të  përbashkët e njerzve që ju rrethojnë. Kjo do ta forcojë lidhjen tuaj dhe do të krijojë kujtime më të bukura.
Elemente të vogla si një shëtitje në park, një vozitje e gjatë tek një vend i bukur apo një vallëzim pas një darke, do t’ju lidhi edhe më shumë me njeriun e zemrës.  Kohë pas kohe mos kurseni edhe ndonjë surprizë të vogël për të. Gjërat e tilla në fakt e mbajnë lidhjen gjallë. Jo vetëm në fillimet e saj, por edhe pas disa vitesh.

Festoni së bashku, çiftet e lumtura bëjnë kështu

Ka shumë ngjarje dhe festa të veçanta që duhet t’i kaloni bashkë me personin tuaj të zemrës. Nisur nga përvjetoret, ditëlindjet, festa e Shën Valentinin apo secila festë që ju pëlqen!  Nuk keni nevojë të shpenzoni shumë para në këto festa. Mjafton qoftë edhe nëse keni përgatitur vetëm një darkë të thjeshtë romantike me qirinj në shtëpi! Mos harroni asnjëherë se janë gjërat e vogëla ato që në jetë na sjellin lumturinë më të madhe! Prandaj mos hezitoni t’i bëni ato.

Përkraheni njëri-tjetrin në kohëra të vështira

Secili prej nesh në jetë përballet me vështirësi. Kriza financiare, sëmundje, lëkundje emocionale apo edhe humbje të personave të dashur. Nëse partneri apo partnerja juaj po përballet me diçka të tillë mos hiqni dorë nga ai/ajo!  Mirëpo dëgjoni këshilla dashurie. Qëndroni afër. Ndihmoni dhe tregoni se me dashurinë tuaj çdo vështirësi mund të kalohet. Mos lejoni që lidhja juaj të rrënohet nga vështirësi të tilla. Tek e fundit, vetë jeta është plotë me sfida të tilla, prandaj nuk duhet të dorëzoheni. Edhe betimi më i bukur i dashurisë ndër të tjera na bën të zotohemi se do të jemi bashkë “në ditë të mira e të vështira”. Shpresojmë që këto këshilla dashurie do t’ju ndihmojnë!