Plazhi Gjipe – Aventurë drejt plazhit më të veçuar të rivierës

nga Flogerta Driza

Për shumë prej jush që kanë shpirt aventurier dhe që duan të kalojnë pushime në një vend unik, plazhi Gjipe është për ju.

Si është formuar plazhi i Gjipes?

Plazhi gjipe

Plazhi Gjipe ose plazhi më i veçuar i rajonit jugor është krijuar në një mënyrë shumë të veçantë nga natyra. Bregu i tij është formuar nga një përrua dhe në të dy anët e plazhit ka një kanion madhështor (kanioni i Gjipe) me formacione shkëmbore të larta qw arrijnw deri në 70m. Ka një pamje mjaft piktoreske dhe mungesa pothuajse totale e aktivitetit njerëzor e bën këtë plazh një parajsë për atë që dëshiron pak privatësi!

Pasi të mbërrini atje, uji është aq kristal i pastër sa mund të shihni deri në një thellësi prej 30 metrash. Ekziston një rrjet i mrekullueshëm shpellash që mund t’i eksploroni tw cilat ndodhen në të majtën tuaj përballë plazhit. Mund të bëni kamping në plazh, sepse ka vende që ofrojnë tenda dhe dyshekë. 

Nuk ka restorante të shtrenjta

aventuriere

Plazhi në vetvete është në fund të Kanionit të Gjipes, i cili gjithashtu ofron një mundësi të shkëlqyer për dashamirët e ecjes. Të jesh një plazh i largët dhe i izoluar do të thotë që nuk ka kafene dhe restorante, vetëm një kantinë e vogël që shërben sallata dhe peshk të pjekur të freskët dhe disa pije freskuese. Kjo do të thotë që do t’ju duhet të merrni ushqim me vete dhe pije para se të niseni për në Gjipe. Megjithatë, mos kërkoni më tepër si lokale luksi dhe restorante sepse nuk ka. Madje, duke qënë plazh publik edhe çadrën bëni mirë ta merrni me vete. Siç ju tham, plazhi Gjipe është si një parajsë personale. Duke qenë një nga vendet më të bukura të rajonit, sugjerohet që të vizitoni këtë plazh të paktën një herë gjatë qëndrimit tuaj në Himarë.

Si të shkoni atje?

vendndodhja e Plazhi Gjipe

Duke ndjekur rrugën nacionale që të çon nga Vuno në fshatin Ilias, ktheni majtas para se t’i afroheni fshatit. Ka një tabelë dhe një stacion autobusi prej druri, duke vazhduar rrugën e ngushtë të asfaltuar deri në zonën e manastirit të Shën Teodorit. Nga këtu rruga është e pashtruar dhe disi shkëmbore për rreth 1.5 kilometra por ofron një pamje të mrekullueshme të bregdetit. Për rreth 20 minuta ecje do të arrini në këtë parajsë të mahnitshme të fshehur!

dua Marketplace banner