Plazhi i Palasë dhe jugu i mrekullueshëm i Shqipërise

nga Flogerta Driza

Plazhi i Palasë, zgjedhja e përkryer për vizitë në muajin shtator. Po, koha më e mirë e vitit për të vizituar Rivierën Shqiptare, shtrirja bregdetare që përfundon tek Parku Kombëtar i Llogarasë në kufi me Greqinë, është padyshim shtatori. 

Turistët pothuajse janë zhdukur, çmimet janë më të ulëta se në pikun e sezonit dhe plazhet janë pothuajse të shkretuara. Në këtë muaj, në fakt, shpesh ndodh që të jeni ndër të vetmit që pushoni në brigjet e bregdetit Jon. 

Plazhi i Palasë

plazhi i Palasë

Një nga zonat më të lehta për t’u arritur nga Vlora është plazhi i Palasë, një nga destinacionet më të njohura në Shqipëri. Një plazh i shkëlqyeshëm ku Cezai zbarkoi me legjionarët e tij në shekullin e dytë p.e.s. Ky gji në formë gjysmëhëne, i fshehur midis kalimit të Llogarasë dhe plazhit të Drimadhës, rrethohet nga uji.

Ngjyrat e këtij të fundit ndryshojnë nga blu në të gjelbër e pastaj në ngjyrë edhe më të errët. Ndryshe nga vendet e tjera përgjatë bregdetit, ky vend ende nuk është pushtuar nga turistët. Prandaj, është vendi ideal nëse kërkoni qetësi, relaksim absolut dhe nëse udhëtoni në shoqërinë e fëmijëve të vegjël.

Plazhi Nazar pranë resortit Green Coast 

Në Palasë, në varësi të preferencave tuaja, mund të përfitoni nga plazhi falas ose të vendoseni në plazhin Nazar i resortit Green Coast, vendpushimi i parë premium i krijuar në tokën shqiptare.

resort
Foto: Green Coast

Resorti, i cili ende nuk ka përfunduar për shkak të bllokimit të punimeve gjatë periudhës së koronavirusit do të bëhet një lloj kala e vërtetë përgjatë Rivierës. Megjithatë, resorti tashmë është funksional dhe, në bashkëpunim me ekspertët e Sky Sports Albania, gjatë verës, ju lejon të praktikoni shumë sporte, duke përfshirë surfimin, udhëtime me anije dhe zhytje.

Nëse dashuroni paqen mund të vendosni të kaloni tërë ditën në plazh dhe të notoni në ujërat e kristaltë të detit Jon, përndryshe nuk ka asgjë më të mirë se sa të zbuloni rrethinat. Në këtë rast të fundit, zgjidhja më e mirë, duke marrë parasysh afërsinë me plazhin e Palasë, është të vizitoni Parkun Kombëtar të Llogarasë ose Dhërmiun. 

Parku Kombëtar i Llogarasë

Parku Kombëtar i Llogarasë është ideal për ata me këmbë të stërvitur mirë. Është një nga parqet natyrale më spektakolare të Shqipërisë me rrugë aventureske dhe pamje marramendëse.

parku
Foto: @allasimacheva via Twenty20

Fshati i Llogarasë është një ndalesë ideale për të argëtuar fëmijët tuaj për ca kohë gjatë udhëtimit. 

Paragliding – mbreti i sporteve në natyrë

Paragliding është me të vërtetë mbreti i sporteve në natyrë që bëhet në Llogara. Paralajmërim: rekomandohet vetëm për më të guximshmit. Alternativa, megjithatë, është të shkoni dhe të vizitoni fshatin magjepsës të Dhërmiut, një nga fshatrat më karakteristikë të jugut të Shqipërisë. Ky fshat karakterizohet nga shtëpi shumëngjyrësh, manastire të vogla dhe kisha të këndshme ortodokse, siç është Kisha e Shën Spiridones, kupola blu e të cilit qëndron në panoramën e qytetit. Ose Kisha e Shën Mërisë, e rrënuar në majë të malit, por që ofron pamje të pakrahasueshme të bregdetit. 

Sido që të jetë zgjedhja juaj, mund të jeni i sigurt për një gjë: në Shqipëri është e pamundur të mërziteni.

dua Marketplace banner