Si të mbash gjallë romancën në një lidhje

nga Flogerta Driza

“Përshëndetje zemra ime! E di se shumë shpesh nuk arrij të bisedoj me ty për të shprehur ndjenjat e mia Kështu që vendosa të të shkruaj këtë mesazh. Faleminderit që ekziston .Te dua shume! Ende e mbaj mend jetën time kur ti nuk ishe pjesë e saj. Sa ndryshe është tani dhe sa shumë lumturi ka në të fale teje. Vetëm prej teje kam kuptuar se çfarë do të thotë të duash, dhe të të duan. Ditë të mbarë sot dashuria ime.”
Ky është një nga mesazhet që duhet t’ia dërgojmë personit të dashur. Romantizmi nuk duhet të largohet kurrë nga marrëdhënia. Kur romanca zhduket, është një shenjë që ndjenjat tona fillojnë të dobësohen. Fillojmë të largohemi nga njëri-tjetri dhe bëhemi indiferentë. Por, si të mbash gjallë romancën në një lidhje?
Pas disa vitesh është e normale që një marrëdhënie dashurie të qetësohet por ka shumë ide se si mund ta ringjallim atë.
Le të kthehemi pas në kohë. Në ditët e para, kur zemrat tona dridheshin dhe kishim fluturat në stomak, e vendosëm partnerin tonë në një piedestal. Sytë tanë shikonin vetëm atë. Kur dita ishte e përbërë nga telefonata dhe mesazhe. Nuk bënim gjë tjetër veçse prisnim përgjigjen e të dashurit, një foto të tijën, një shaka, apo fjalët të dua.

Surprizat më të bukura, që të na kthejnë pas në ditët e para të lidhjes, janë ato që duhen për të na rikujtuar vlerën e dashurisë.

Për shembull, dhënia e një libri për Krishtlindje ose ditën e Shën Valentinit janë gjëra që mbajnë gjallë romancën. Ose mbledhja e të gjitha mesazheve dhe bisedave tuaja të para të dashurisë. Bisedat që keni shkëmbyer në fillim të marrëdhënies tuaj.
Fjalët që keni shkëmbyer përmes WhatsApp-it ose Instagram-it ose Facebook-ut. Si? Sot ekziston një shërbim që bën dicka të tillë: monlivresms, kliko dhe stampo!

Me kalimin e kohës, në një marrëdhënie, ndodh shpesh që njerëzit të ofendojnë njëri-tjetrin. Kjo mund të ndodhë sepse nuk janë mbajtur ose sepse nevojat e tua nuk merren në konsideratë. Ose partneri ka harruar të na urojë për ditëlindjen ose përvjetorin e martesës. Fatkeqësisht, pakënaqësitë e shumta bëjnë që dashuria të mbyllet në vetvete.
Për më tepër, shpesh, në një marrëdhënie afatgjatë, ku ka edhe fëmijë, puna për ndërtimin e marrëdhënies duket se ka përfunduar dhe përqendrimi i çiftit zhvendoset në karrierë, fëmijë, miq, hobi.

Ka disa mënyra për të mbajtur një marrëdhënie romantike:

mbani gjalle romancen
Mësoni të shihni në partnerin tuaj si një person me të gjitha gabimet e tij dhe jo ta idealizoni atë. Përgatituni për zhgënjimet e pashmangshme, mësoni të falni. Flisni për tu sqaruar
Mos i fshihni nga partneri emocionet negative të grumbulluara, zhgënjimet, nevojën për të ndryshuar diçka. Diskutoni për këto çështje, diskutoni për problemet tuaja së bashku. E vërteta del në pah vetëm kur diskutoni. Nuk mund të mbash gjallë romancën nëse nuk komunikon.
Tregojini partnerit tuaj se sa shumë e doni, njësoj sikur të jetë dita e fundit e jetës tuaj. Kontakti i vazhdueshëm fizik është gjithashtu i domosdoshëm për një marrëdhënie të gjatë dhe të shëndetshme. Shkurt, për një marrëdhënie të lumtur afatgjatë do të duhet të punoni fortë të dy. A jeni gati?