Çfarë nuk bëjnë njerëzit me inteligjencë të lartë emocionale?

nga Argjenda Selmani

Kur themi ‘intelegjencë emocionale’ shumica e njerëzve e mendojnë atë si një aftësi. Si diçka që mund ta ndërtoni dhe stërvitni me praktikë.  Përderisa kjo është pjesërisht e vërtetë, ekziston edhe një e vërtetë më e thellë për atë që quhet inteligjencë emocionale.

Përmirësimi i inteligjencës emocionale shpesh ka të bëjë me atë që bëni më pak, e jo atë që bëni më shumë.  Njerëzit me inteligjencë të ultë emocionale fajësojnë njerëzit e tjerë për problemet e tyre. Ata bllokohen në ciklet e stresit dhe ankthit dhe sabotojnë vetën sapo fillojnë të përparojnë. Mirëpo çfarë nuk bëjnë njerëzit me inteligjencë të lartë emocionale?

Nuk kritikojnë shumë

inteligjenceDuhet ta pranojmë se kritikimi i të tjerëve është shpesh një mekanizëm mbrojtës i pavetëdijshëm që synon në zbutjen e pasigurive tona. Ne jemi të gjithë kritikë ndonjëherë. Mirëpo shumë kritika – veçanërisht zakoni për të qenë kritikë ndaj të tjerëve – mund të çojnë në të kundërtën e objektivitetit. Mund të na bëjë mendje të ngushtë dhe të verbër, posaçërisht te vetvetja.

Një nga arsyet pse është e thjeshtë të kritikojmë të tjerët është se kjo na bën të ndjehemi mirë. Kritika e dobishme ka të bëjë me bërjen më të mirë të botës. Kritika e padobishme ka të bëjë me veten të ndjehesh më mirë. Të qenit kritik mund të ju bëjë përkohësisht të ndiheni mirë me veten. Mirëpo zakonisht ju bën të ndjeheni më keq për veten tuaj për një kohë të gjatë. Nga ana tjetër, njerëzit me intelegjencë të lartë emocionale dhe të vetëdijshëm e kuptojnë se kritikimi i të tjerëve është thjesht një mekanizëm primitiv mbrojtës. Dhe se ka mënyra shumë më të mira e më produktive për t’u marrë me ankthet dhe pasiguritë tona.

Nuk qëndrojnë të lidhur pas të kaluarës

intelegjenceSi njerëz ne dëshirojmë rregull dhe siguri. Shpesh jemi fiksuar me idenë se me përpjekje të mjaftueshme ne mund të bëjmë ose të arrijmë ndonjë gjë. Sigurisht disa njerëz mbërthehen duke folur pafund për gabimet dhe dështimet e së kaluarës. Në të vërtetë  ata  nuk besojnë se mund të ndryshojnë të kaluarën.

Përkundrazi, thashethemet për të kaluarën u japin atyre iluzionin e kontrollit. Kur keni bërë një gabim në të kaluarën, ju natyrisht ndjeni faj dhe pendim. Mirëpo nëse dëshironi të vazhdoni me jetën tuaj në vend që të qëndroni të mbërthyer në të kaluarën, duhet të pranoni të kaluarën për atë që është – përfshirë ndjenjën e pafuqisë.Këtë gje njerëzit Ju duhet të hiqni dorë nga zgjedhja për ta rikujtuar pa fund atë gabim. Bëni diçka të dobishme, tani, tani sado e vogël – dhe rezistojuni tundimit për të përsëritur një skenë tjetër nga e kaluara juaj. Mos hiqni dorë nga kontrolli mbi të ardhmen tuaj duke pretenduar se mund të kontrolloni të kaluarën.

Nuk kanë pritshmëri jo realiste

inteligjenceAshtu si thashethemet që janë një përpjekje për të kontrolluar të kaluarën, pritshmërit jorealiste janë një përpjekje delikate për të kontrolluar njerëzit e tjerë. Sigurisht, shumica e njerëzve me pritshmëri jorealiste nuk e shohin në këtë mënyrë. Ju ndoshta i shihni pritjet tuaja për njerëzit e tjerë si një gjë e mirë.  Sipas jush ndoshta të kesh pritshmëri të lartë për njerëzit i inkurajon ata të rriten dhe të piqen dhe të bëhen vetja e tyre më e mirë!

Mirëpo  çfarë do të thotë, saktësisht kur keni një pritshmëri jorealiste? Do të thotë që të kaloni kohë për të hartuar histori në kokën tuaj për atë që duhet të bëjnë njerëzit e tjerë. Dhe kur ata në mënyrë të pashmangshme nuk arrijnë t’i zbatojnë ato standarde, ju krahasoni në mënyrë refleksive realitetin me ato pritshmëri dhe ndjeheni të irrituar dhe të zhgënjyer. Njerëzit me inteligjencë të lartë emocionale nuk e bëjnë këtë.

Dhe si i përgjigjeni këtij zhgënjimi? Duke krijuar pritshmëri edhe më të forta dhe më të hollësishme. Kjo ju bën të ndjeheni mirë dhe nën kontroll! Shikoni, sigurisht që ju kujdeseni për njerëzit në jetën tuaj dhe dëshironi më të mirën për ta. Ju dhemb që t’i shihni duke u lënduar, luftuar apo vuajtur. Ju duhet të verësoni betejat e tyre aktuale në vend që të ëndërroni për sukseset e tyre në të ardhmen.